Nadat die grootste uitvoerder van palmolie ’n verbod daarop geplaas het, begin kosvervaardigers ook plaaslike alternatiewe vir dié belangrike bestanddeel in koekies en sjokolade soek.
Indonesië het die wêreld die naweek onaangenaam verras toe pres. Joko Widodo aangekondig het dat alle verskeping van palmolie van 28 April af gestaak word.
Die afgelope jaar het Indonesië 28 miljoen metrieke ton palmolie uitgevoer. Maleisië was die tweede grootste uitvoerder met ongeveer 16,2 miljoen metrieke ton.